關於人生的三件事

股神畢菲特曾經說過，人生應該只專注做幾件事。

很多年青人不以為然，認為這個世代應該斜槓，不用拘泥於古老思想。在資訊爆發嘅時代，人類應該向多方面發展。

剛好，我是古老世代與年青世代嘅中間，自己對這題問有自己的了解。

首先我認為人類有三種事情要做得好，無論你係什麼文化，敎育及宗教背景；

• 健康

• 關係

• 財富

健康

我相信冇人會否認健康嘅重要性。維持健康，是現代人一定會面對嘅重大課題。由飲食到運動，再去到時間及精力嘅安排，巳經佔據你日常生活的一大部份。例如飲食，什麼是健康食品你每日應該食啲乜，那個星期又應該食啲乜，如果你要認真安排又要自己下廚，那，已經佔了你一個週末的時間。如果你要運動，那又要思考每星期的課堂，帶氧運動定係力量訓練？正確運動姿勢嘅了解？如何減少受傷嘅機會等等，又要拜讀幾本書？

關係

關於關係嘅內容更加廣闊。係職場上面，你點樣處理上司同下屬嘅關係？係家庭方面，與另一半，仔女，父母又點樣維持良好嘅關係？社會方面，你又點樣去同朋友相處呢？面對社會嘅難題，你又點樣判斷邊啲係正確嘅行為？
你會發現，我哋根本就沒有在學校學過這些知識。很多人出了社會工作，才漫漫發現自己無從入手，導致產生更多憂慮及問題。

財富

關於財富，我以前都認為只討論財富，有點銅臭味。不那麼馨香。長大了之後發現財富未必係最重要但係係不可缺少嘅一環。當你對財富有這個覺悟嘅時候，你會發現要係現代社會賺取必要的財富，自己就一定要有一種特別嘅職業技能，除非你係富二代；但就算係富二代，都要思考一下，如何確保父母留下既財富不在你這一代消失殆盡。因為社會非常之專業化嘅關係，你一定要花很長的時間才可以喺特定嘅領域擁有無可取替嘅技能。你不可能60歲才去修讀醫科，你亦唔可以40歲才走去做職業足球員。

人生一定要對這三件事有覺悟。

就好似畢菲特嘅名言:

「人生就像滾雪球，你只要找到濕的雪，和很長的坡道，雪球就會越滾越大。」 – 巴菲特

Life is like a snowball. The important thing is finding wet snow and a really long hill. – Buffett

我建議大家，尤其是年青人一定要趁早對這三件事情分清輕重緩急，逐一計劃你自己的人生。