人生一團糟？究竟要如何重新開始？
人生離開了主軸？
有冇試過一個人，突然感覺失落，並開始胡思亂想。覺得很多事情都不似預期，做什麼也卡卡的，冇哂心機，什麼也專注唔到，番工如是，放工如是，為了逃避，只好寄情手遊，Youtube，Netflix，淘寶，但有時又覺得浪費時間，好似人生離開了主軸？
我自己係疫情期間，因為受傷做唔到運動，又放了太多心力係完全冇認識嘅電單車牌，搞到自己有點迷失，不知道如何重新分配時間，亂晒方寸。
上網搵了很多方法，也沒有什麼結果。
最後受以下這本書 (聰明人都實踐的輸出力法則：用1% 投入做到99.9%產出，徹底翻轉工作與人生) 啟發，意外發現了最簡單最直接重啟人生嘅方法！
聰明人都實踐的輸出力法則：用1% 投入做到99.9%產出，徹底翻轉工作與人生
書嘅內容其實係書名已經講咗啦，想成功就係要99%產出！
只要用自己身體行動，進行產出，就可以有實際成果！
我用咗佢介紹嘅概念，發現咗一個超簡單又唔會受地域限制，又可以重啟人生嘅方法。
連續14日丶五十下深蹲
首先無論你而家係咩環境，大屋又好，細屋又好，Office 又好（係街就唔好啦），請馬上找個位置，做五十下深蹲！
初頭做，可能有點攰，可以嘗試分開，15+15+20咁做。如果都係做唔到，可以再分多幾次做，最緊要係覺得有點難度（太容易就增加次數，我自己就係從100下開始）。
堅持連續做14日，即兩個星期。一定要搵個方法去記錄，例如，記錄係手機，筆記，或者智能手錶。
運動嘅好處我唔再重複。但點解要選擇深蹲而唔係掌上壓？
冇地域限制（應該係劏房都做到）
完全唔使器材（瑜伽墊都唔使）
一切下肢活動嘅基礎
背後有很深奧嘅學問
要連續14日又寫下記錄嘅原因
好簡單，證明自己可以堅持。俾返信心自己，相信自己何以改變人生。
完全冇地域、器材限制
完全適合冇運動，又冇去健身室嘅你。你應該冇藉口做唔到吧？
一切下肢活動嘅基礎？
冇錯，很多進階嘅力量訓練都係基於深蹲。深蹲做得唔好，只會令你往後的健身路途更易受傷。
背後學問很深奧？
冇錯，外國有個物理治療師，寫了一本書及搞了一個網站，就係只教深蹲，所以千萬不要輕視這運動，有興趣可以留意下。
The Squat Bible
大家在生活上會有迷失，主要原因都係掌握不了生活上的大小事件，藉著堅持連續做十四天深蹲，就會對自己增添信心，相信自己可以重新掌握生活上其中一樣重要事情～健康！當發現自己可以達成目標，就更有自信迎接下一挑戰！
大家有咩問題可以PM我。希望大家依家即刻開始做深蹲，加油！
