【浪琴表名匠系列】我的第一隻機械錶
近月因為覺得想要買一支機械表作紀念而做了很多Research ，由精工睇到勞力士，再由勞力士睇番去Casio，更拜讀了幾年份的台灣城邦及香港遊絲，反反覆覆睇了幾百款錶，得出一個結論，就係：
眼花撩亂
例如覺得潛水錶幾靚但又好似唔襯西裝，運動錶又好似只限週末，好似唔係好祗。牌子眾多，差唔多款嘅價錢又可以差天共地，都唔知點揀。但自己又唔想人云亦云，一隻潛水走天涯，真係好混亂。
終於，前幾天，得知有籃球巨星殞落，驟覺人生苦短，所以馬上決定不再research，不再浪費時間，勇敢地跟太太走進香港一間鐘錶店，買錶！
一入門口，售貨員就推介一些有打折嘅手錶（邊個話保值㗎？）跟着售貨員走了一圈，回到浪琴(Longines)嘅飾櫃看了一會，就被這隻西裝錶吸引住！
正面
其實我對浪琴這個品牌不是太熟悉，只記得係彭于晏做代言。
我對西裝錶比較有興趣，而且呢隻係有埋月相嘅，所以樣子非常靚仔。
月相
不過依隻錶應該唔係最新嘅，應該係幾年前嘅款式，但我又冇乜所謂，有時買嘢都要講緣份嘅。
可能有啲讀者會問我為什麼要買一隻咁貴嘅錶（對我而言），如要睇時間，iPhone咪仲準？
當然iPhone一定準。但人大左，反而唔想追求日新月異嘅嘢，而係更希望時間可以行慢一點，可以變化少一點嘅產品，好讓自己老了嘅時候細味一番。
當你老了，可能都會跟我一樣想法。
背面，透明㗎
