第一張關於運動的証書，Crossfit Spot The Flaw
從來不是運動人，但人要健康無辦法唔做運動。以前有做開GYM,，跟過一次教練， 冇跟之後就自己做。自己做唔係唔得，不過就係不全面，因為你只會練胸及膊頭。都試過跑步，要減肥跑步一定係最work既方法! 不過亦係最傷既方法，因為膝頭一定勞損。唔信你可以問下村上春樹。
去年join咗屋企附近間crossfit，發現做運動唔一定一個人（以前做GYM都是一個人），一班人都可以好開心！重有發現自己的體能比自己認知有很大落差，做MetCon時真的有想死的感覺。真的很辛苦，只是短短十分鐘，比 跑步十公里更攰幾倍。有時真的好驚，好驚又要做D攰到想嘔、心跳快到好似要跳出來的運動。但如果放棄，又未必接受自己的懦弱。所以，硬著頭皮捱下去，一星期三次，每次都怯，但捱過了半年，捱過了最難的日子，反而喜歡上這門運動。
為了更理解crossfit，自己更報了人生第一個運動相闗的certificate，這個課程是教導學員指出動作的錯誤，對防止受傷有很大幫助。我也試過玩crossfit受傷，一是手指，另一次是腰，都是錯誤動作引起！希望自己繼續讀上去，目標係lvl 1 trainer!
