【StayCaution | 澳門人住宿優惠】澳門JW萬豪酒店「買一送一」酒店夏日賞

今年暑假嘅第三彈就係澳門銀河JW萬豪酒店「買一送一」嘅優惠。顧名思義「買一送一」嘅意思即係你要連續入住兩晚，當然如果你星期五，星期六入住費用係會高少少嘅，但一定比平時平好多。而且亦都會有餐飲卷（$600每晚）送，所以澳門人一定要試一試。

例如今次我同太太兩個人就係選擇星期六入住，星期一退房。我哋係經官方網頁訂嘅，過程非常之簡單，跟住以下嘅圖示揀返你選擇嘅酒店及日子，咁價錢就會一目了然。記住優惠係一定要連續住兩晚，單獨一晚係冇優惠嘅。

因為澳門銀河係比較受歡迎嘅酒店，建議大家俾多少少時間去做check-in。因為當日我哋都等咗少少時間。

房間設施

房間非常之大及企理，我哋比安排咗內園景，非常之靚。床頭有USB插頭，帶返條線去就可以差到電啦。電視頻道都幾齊，當晚我連香港直播既足總杯都睇到。

We Love Macau welcome desert

餐飲

因為我哋嘅選擇JW萬豪酒店，佢送嘅$600餐飲券只能在他旗下的餐廳使用，但可以一次過用晒兩晚嘅quota（即$1200）。我相信大部份嘅住客都係去佢旗下嘅 「麗思咖啡廳」食，所以最好呢就早啲去book位啦。我哋當晚要食第二輪即係8:30pm先有位。

留意番餐廳嘅單點項目做緊澳門人75折優惠所以你要食晒嗰$1200就要自己好好計數啦。當晚我哋點左以下嘅食物：

龍蝦濃湯
海鮮沙律
美國肉眼扒
紅酒燉牛肉

臨走嘅時候呢佢哋送咗兩客甜品俾我哋食，真係幾窩心。

另外，大部份嘅food court同埋快餐喺疫情期間都有開，所以食方面就唔需要太擔心。

購物商場

大部份商店都有開，包括蘋果旗艦店，H&M等等。當然營業時間可能每一間都有一啲調整，咁大家就要注意一下啦。不過好唔好彩，UA戲院仲係暫停營業，如果開埋就真係完美啦。

玩樂設施

真係唔好意思講出黎，我哋又係第一次去。喺酒店直接搭lift落3樓行出佢就已經係酒店本身嘅泳池。都唔差嘅但當然啦你嘅目標一定係去天狼桃園。不過天公不做美，去咁多日落足咁多日雨。有機會，好天氣真係要再去一次。

早餐

因為前一晚去餐廳食飯嘅時候用唔晒嗰$1200，所以就用剩低嘅錢買咗兩客in room早餐。又係我哋慣常嘅一中一西。唔差嘅，但我唔建議叫中餐，份量比較細，又冇燒賣，水蟹粥又變咗普通雞絲粥。

總結

埋單大概$1500一晚，以五星級酒店，又包一餐晚餐來講，算是化算，而且設施比其他resort好很多，真係值得一家大細再來玩多幾次。