【StayCaution | 澳門人住宿優惠】澳門康萊德酒店 「喜迎盛夏住宿套票」

今年暑假嘅第四彈就係澳門康萊德酒店「喜迎盛夏住宿套票」嘅優惠。

會選擇康萊德酒店嘅原因係因為佢嘅澳門人套票非常之吸引，因為除咗有$300食券之外，還有60分鐘嘅雙人按摩療程，一晚價錢都唔使二千葡幣。平時大家係洒店做一次單人60分鐘spa都要一千元，今次嘅套票優惠仲要係雙人，差唔多等於間房係免費送嘅，你話抵唔抵呢？

• 入住豪華大床客房

• 等值澳門幣300元餐飲禮券（按每晚計算）

• 菩提水療60分鐘按摩療程（四選一）：

  • 深層肌肉按摩

  • 傳統中式按摩

  • 巴厘式按摩

  • 足部反射按摩

• 客房升級至套房*

• 免費提前至中午12時入住及延遲至下午2時退房服務*

• 免費自助泊車*

喜迎盛夏住宿套票

以為有間免費套房好驚喜？年輕人你太年輕了。

當我哋進入酒店大堂，已經有服務生主動出嚟迎接，及殷勤地幫我哋攞行李。Check-in嘅時候，酒店經理見我用ICBC金沙信用卡，說還有特別折扣（八折）！講真真係冇諗過優惠可以重複使用，因為通常用咗A優惠就用唔到B嘅優惠，雙重優惠呢樣嘢真係值得一讚。

享受金沙時尚的獨家優惠和尊貴體驗

驚喜並唔係只有雙重折扣。係經理竟然跟我哋講我哋可以雙重升級到酒店最豪華嘅套房！ 經理亦都好好服務，親身帶我哋兩個上到客房。

一開門，我同太太已經被嚇呆了。

真係大到嚇死人，好後悔冇叫齊班friend一齊上來玩。

尊貴客房大概係1600尺，即係一間豪宅咁嘅size ( 原價$6xxx )。大家睇吓以下呢啲相就係感受到嗰個震撼。

最正，最正係竟然有個私人影院比你自己帶碟入去欣賞。而我，亦神來之筆，竟然帶埋iPad及HDMI轉換器(從來都冇試過)。所以可以用大電視欣賞Netflix。

浴室有一個好大好大嘅按摩池俾你鬆弛一下神經。

酒店亦都做緊一個早餐promotion，只要比$150就可以上佢39樓嘅行政樓層，享用一個即叫即整嘅早餐。而且呢個早餐係任食㗎，所以建議大家預留多少少時間上去點餐。

今次旅程嘅體驗真係畢生難忘，不過，澳門人記住千祈唔好去，要留番啲空間比我再去，哈哈。